Chapter 9: Chughal Khor

تعارف: شفیع عقیل 1930ء میں لاہور کے قریب ایک گاؤں میں پیدا ہوئے۔ وہ ایک معروف صحافی، ادیب اور شاعر تھے۔ انہوں نے لوک کہانیوں کو اردو میں منتقل کرنے میں اہم کردار ادا کیا۔

خصوصیات کلام: ان کا اسلوب سادہ اور دلکش ہے۔ انہوں نے پنجابی لوک کہانیوں کا اردو ترجمہ اس مہارت سے کیا ہے کہ ان پر طبع زاد ہونے کا گمان ہوتا ہے۔

تصانیف: پنجابی لوک کہانیاں، پنجاب رنگ، سجاگ، چینی لوک کہانیاں، جاپانی لوک کہانیاں۔

خلاصہ: یہ ایک لوک کہانی ہے جس میں بتایا گیا ہے کہ چغل خوری کتنی بری عادت ہے۔ کہانی ایک چغل خور کے بارے میں ہے جسے چغلی کھانے کی بیماری تھی۔ وہ اپنی اس عادت کی وجہ سے بار بار نوکری سے نکالا جاتا تھا۔ آخرکار وہ ایک کسان کے پاس ملازم ہو گیا اور شرط یہ رکھی کہ چھ ماہ بعد اسے ایک چغلی کھانے کی اجازت ہوگی۔ کسان نے سوچا کہ ایک چغلی سے کیا بگڑے گا، اس لیے اجازت دے دی۔ وقت گزرتا گیا اور جب چھ ماہ پورے ہوئے تو چغل خور نے اپنا کام دکھایا۔ اس نے کسان کی بیوی کو جا کر کہا کہ کسان کوڑی ہو گیا ہے اور اگر یقین نہ آئے تو اس کا جسم نمکین ہو گیا ہے چاٹ کر دیکھ لینا۔ پھر کسان کے پاس جا کر کہا کہ تمہاری بیوی پاگل ہو گئی ہے اور لوگوں کو کاٹتی ہے۔ اسی طرح اس نے کسان کے سالوں اور بھائیوں کو بھی ایک دوسرے کے خلاف بھڑکا دیا۔ نتیجہ یہ نکلا کہ سب میں زبردست لڑائی ہوئی اور چغل خور وہاں سے بھاگ گیا۔ اس کہانی سے سبق ملتا ہے کہ چغل خوری فساد کی جڑ ہے۔