Chapter 6: Urdu Adab Mein Eid-ul-Fitr

تعارف: ڈاکٹر وحید قریشی 1925ء میں میانوالی میں پیدا ہوئے۔ اصل نام عبدالوحید تھا۔ انہوں نے گورنمنٹ کالج لاہور سے ایم۔اے اور پنجاب یونیورسٹی سے پی ایچ ڈی (فارسی) اور ڈی لٹ (اردو) کی ڈگریاں حاصل کیں۔ وہ اورینٹل کالج لاہور کے پرنسپل اور مقتدرہ قومی زبان کے صدر نشین بھی رہے۔

خصوصیات کلام: وہ اردو اور فارسی زبان و ادب کے اہم محقق اور نقاد تھے۔ ان کا انداز تحقیق بہت عمدہ تھا۔ ان کی تحریروں میں عالمانہ شان پائی جاتی ہے۔

تصانیف: اساسِ اقبال، مکاتیبِ اقبال، مطالعہ ادبیات فارسی، کلاسیکی ادب کا تحقیقی مطالعہ، نقدِ جاں، القریش۔

خلاصہ: اس مضمون میں ڈاکٹر وحید قریشی نے اردو ادب (خاص طور پر شاعری) میں عید الفطر کے موضوع کا جائزہ لیا ہے۔ 1857ء کی جنگِ آزادی کے بعد اردو شاعری میں نئے رجحانات پیدا ہوئے۔ سرسید احمد خون، حالی، اور اقبال نے عید کو ملی اور ثقافتی اقدار کے حوالے سے پیش کیا۔ عید الفطر کو محض خوشی کا تہوار نہیں سمجھا گیا بلکہ اسے مسلمانوں کی تہذیبی اور فکری زندگی کا ایک اہم حصہ قرار دیا گیا۔ شعراء نے ہلالِ عید کو مسلمانوں کے عروج و زوال، ملی اتحاد، اور ماضی کی عظمت کی علامت کے طور پر استعمال کیا۔ یہ مضمون ہمیں بتاتا ہے کہ عید کی شاعری ہماری تہذیبی روایات کا عکاس ہے۔